Энэ жил сумаас Улсын аварга малчнаар Г.Тогоотөмөр, алтан унаганы эзнээр Ж.Бат-Очир, аймгийн аварга малчинаар 1-р багийн малчин Б.Бүддорж, 3-р багийн малчин Ж.Одсүрэн, 5-р багийн малчин З.Нэргүй, сумын сайн малчнаар А.Гантөмөр, Ц.Цэрэн, Ю.Бор, О.Гантөмөр, У.Пүрэвдаваа, М.Тогооч, Ж.Гаваацоодол нар тус тус шалгарсан байна. Аймгийн алдарч уяачаар Т.Төмөртогоо, сумын алдарт уяач М.Тогооч, Х.Гомбодорж Б.Доржпагам, Ж.Баточир, М.Баянжаргал нарын уяач цол тэмдэг олгосон байна.

Тарагт сумын ЗДТГазар нь сонгогдсон эрх бүхий тендерт оролцогчдоос Сумын эрүүл мэндийн төвд шатахуун нийлүүлэх тухай үнийн санал ирүүлэхийг урьж байна.

Тарагт сумын ЗДТГазар нь сонгогдсон эрх бүхий тендерт оролцогчдоос Ерөнхий боловсролын сургуулийн дотуур байрны хүүхдүүдийн хоол, үдийн цай, Туяа багийн ерөнхий боловсролын сургуулийн дотуур байрны хүүхдүүдийн хоол, үдийн цай, Цэцэрлэгийн хүүхдүүдийн хоол, хүнсний бүтээгдэхүүнийг нийлүүлэх тухай үнийн саналыг ирүүлэхийг урьж байна

Орон нутгийн үйлдвэрлэл, үйлчилгээ, худалдаа эрхлэгчдийн бүтээгдэхүүн, ажил үйлчилгээг сурталчлан таниулах, бизнесийн түншлэл тогтоох, зах зээлээ өргөтгөх боломж бүрдүүлэх, чанар стандартад нийцсэн шинэ бүтээгдэхүүн үйлчилгээг бий болгох, харилцан туршлага солилцох зорилгоор дараах үзэсгэлэн худалдаанд оролцохыг урьж байна. Улаанбаатар хотод "АСА" циркийн гадаа талбайд 1 сарын 18-25-ны өдрүүдэд, ӨМӨЗасах орны "Сэхэ" боомт 1 сарын 19-27-ны өдрүүдэд, Арвайхээр суманд 1 сарын 25-29-ний өдрүүдэд тус тус зохион байгуулагдах тул оролцох иргэд, аж ахуй нэгжүүд 99266055 утсаар бүртгүүлнэ үү.

Сумын Засаг даргын захирамжаар цэргийн тоо бүртгэл явуулах ажлыг 2018 оны 12 сарын 22-ны өдрөөс 2019 оны 1 сарын 3-ны өдөр хүртэл зохион байгууллаа. Сумын хэмжээнд цэргийн насны 888 эрэгтэй бүртгүүлсэн байна. Цэргийн бүртгэлд бүртгүүлээгүй бол Зөрчлийн тухай хуулийн 15.17 дугаар зүйлд заасан "Цэргийн бүртгэлийн журам зөрчсөн, эсхүл дайчилгаатай сургууль, цугларалт, цэрэг татлагаас зайлсхийсэн цэргийн үүрэгтэн, цэргийн насны иргэнийг нэг зуун нэгжтэй тэнцэх хэмжээний төгрөгөөр торгоно".

Санхүүгийн зохицуулах хорооноос үнэт цаасны үйл ажиллагааг эрхлэх тусгай зөвшөөрөлтэй “Гүүд сек” ХХК-тай хамтран ажиллаж, аймгийн хэмжээнд нийт 57.6 мянган иргэн хувьцааны данс нээлгэж, “Эрдэнэс таван толгой-1072” хувьцаа эзэмших болон бусад хөрөнгийн болон санхүүгийн зах зээлийн анхдагч болон хоёрдогч зах зээлийн арилжаанд оролцох эрх үүсээд байна.

Тарагт сумын Сургуулийн Өмнөх Боловсролын байгууллагат бүлгийн багш, Ерөнхий Боловсролын сургуульд физикийн багш, түүх нийгмийн багш, математик, мэдээлэл зүйн багшийн түр ажлын байранд тус тус сонгон шалгаруулалт зарлаж байна.

2018 онд ОНХСангийн хөрөнгө оруулалтаар хийгдсэн хөтөлбөр, төсөл арга хэмжээний нийтийн сонсгол 2019 оны 1 дүгээр сарын 21-ний өдрийн 15 цагт сумын Иргэний танхимд болно. Иргэд та бүхэн өргөнөөр оролцоно уу.

2018 оны мал тооллогоор манай сум 268138 толгой мал тоолуулж өмнөх оноосоо 6943 толгой малаар буурсан байна.

Мэдээлэл

Танай сум жижигхэн гэсэн гэж Тавьтаргүй нэгэн хэлвэл Та ингэж хариулаарай!!! Жижигхэн манай сум жижигхэн 

Товч мэдээлэл